Бу ҳақда Тошкент шаҳар ҳокимлиги хизмати хабар бермоқда.
"30 январдан Тошкент шаҳридаги 424 та мактабгача таълим ташкилоти навбатдан ташқари таътилдан сўнг ўз фаолиятини бошлайди. Ҳозирда улардаги ҳаво ҳарорати талаб этилган меъёрда" дейилади хабарда.
Айни кунларда иссиқлик таъминоти тикланаётган 25 та МТТ эса ҳафта давомида босқичма-босқич очилади.
Шунингдек, бугундан бошлаб пойтахтдаги мавжуд 335 та таълим муассасасининг барчасида дарслар тўлиқ анъанавий тарзда йўлга қўйилди.
