Тошкент вилояти Зангиота туманида 17 январь куни темир йўлдан ўтаётган эркакни поезд босиб кетди.
“Миллар” кўрсатувидан маълум бўлишича, воқеа Ўзбекистон—Ўрта овул темирйўл бекатлари оралиғида содир бўлган.
Тошкент минтақавий темирйўл транспортида ХТБ инспекторининг маълум қилишича, 59 ёшли эркак ҳимоя тўсиғидан ошиб, йўлни кесиб ўтмоқчи бўлган. Темирйўлнинг белгиланмаган жойидан кесиб ўтаётган вақтида поезд уриб юборган.
Ҳозирда мазкур ҳолат юзасидан терговга қадар текширув ҳаракатлари амалга оширилмоқда.
