Ўзбекистон ФВВ бўлинмалари ходимлари Туркияга етиб борди. "Ўзбекистон 24" телеканининг маълум қилинишича, 8 февраль соат 08:00 ҳолатига кўра, улар вайроналар остидан турли тан жароҳатлари олган 9 кишини қутқариб олган.
Чиқариб олинганларнинг 5 нафари эркак ва 4 нафари аёл. Бундан ташқари, 12 кишининг жасади олиб чиқилди. Жараён давомида 132 метр квадрат майдонда 430 метр куб вайроналар тозаланди.
Хабарда қайд этилишича, қидирув-қутқарув ишлари куну тун давом этмоқда.
Сўнгги маълумотларга кўра, Туркияда 6-7 февраль кунлари содир бўлган зилзилалар қурбонлари сони 7,1 минг кишидан ошди. Туркия президенти вайронкор зилзилалардан жабр кўрган ҳудудларга борди.
