Ижтимоий тармоқларда Тошкент шаҳрининг Мирзо Улуғбек туманидаги кўп қаватли уй ичидан дарз кетгани акс этган видеолар тарқалди.
Видеодаги фуқаро бино 2017 йилда қурилган қурилган янги "новастройка" эканлигини айтган.
"Новастройка" деб бизга алдов йўли билан шу уйни сотишди. Қурилганига ҳеч қанча бўлмаган бўлса-да уйнинг деворлари ёрилган. Бу ёриқлардан бемалол кўча кўринади. Ойналари ва эшиги ҳам ёпилмайди", - дейди фуқаро.
Мазкур ҳолат юзасидан Қурилиш вазирлиги масъуллар томонидан ўрганиш ишлари бошланганини маълум қилди.
"Тез орада вазирликнинг расмий муносабатини тақдим этишимизни маълум қиламиз", дейилган вазирлик хабарида.
