Туркия меҳмонхонасида россиялик ва украиналик футболчилар ўртасида оммавий муштлашув содир бўлди.
Дастлабки маълумотларга кўра, барчаси 13-февраль оқшомида бошланган. Украинанинг “Минай” клуби вакиллари Ярославлнинг “Шинник” клуби раҳбаридан Украина мадҳиясини куйлашни талаб қилган. Россиялик футболчиларнинг сўзларига кўра, украиналиклар нега ҳукуматга қарши митинглар уюштирмаётганини ҳам аниқлаштирмоқчи бўлган. Можарога меҳмонхона ходимлари аралашиб, уларни тинчлантирган.
Шундан сўнг Украина клубининг бир нечта ўйинчиси “Шинник” футболчиси билан битта лифтга тушиб қолган ва уни калтаклаган. Лифт етиб келган манзилда эса ярославллик футболчилар турган ҳамда вазиятга аралашган. Шу тариқа россиялик ва украиналик футболчилар ўртасида жанжал юзага келган. Меҳмонхона ходимлари полиция ва тез ёрдамни чақиришга мажбур бўлади. Бироқ ходимлар ҳеч кимни ҳибсга олмаган. Муштлашув оқибатида 4 нафар “Шинник” клуби футболчиси жароҳат олган.
Меҳмонхонада икки нафар полициячи ва қўшимча қўриқчилар доимий равишда навбатчилик қилмоқда.
