Бош прокуратура ҳузуридаги Департаментнинг Қўрғонтепа туман бўлими томонидан ўтказилган терговга қадар текширувларда, ўқишга киритишни ваъда қилган фирибгарлар ушланди. Бу ҳақда Иқтисодий жиноятларга қарши курашиш департаменти хабар берди.
Фуқаро А.Х. (муқаддам фирибгарлик жинояти учун судланган) фуқаро У.А.ни танишлари ёрдамида Тошкент темир йўл муҳандислари институтига ўқишга киритиб қўйиш эвазига 5 300 АҚШ долларини фирибгарлик йўли билан қўлга киритганлиги аниқланиб, У.А. ушбу пулларни қайтарганлиги процессуал тартибда расмийлаштирилган.
Шу каби, фуқаро Н.А. бошқа бир фуқаро А.К.ни танишлари орқали Ўзбекистон давлат санъат ва маданият институтининг Фарғона филиалига ўқишга киритиб қўйиш эвазига 1 000 АҚШ долларини фирибгарлик йўли билан қўлга киритганлиги аниқланиб, Н.А. ушбу пуллар ҳисобидан 500 АҚШ долларини қайтарганлиги процессуал тартибда расмийлаштирилган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
