Фарғона вилоятида 2 пиёда ўлими билан боғлиқ йўл транспорт ҳодисалари содир бўлган. Бу ҳақда ИИВ Ахборот хизмати маълум қилди.
Аниқланишича, Фарғона вилоятида Spark автомобилини бошқариб келаётган ҳайдовчи йўлнинг белгиланмаган қисмидан кесиб ўтаётган 59 ёшли пиёдани уриб юборган. Натижада, фуқаро оғир тан жароҳати олиб, шифохонага олиб кетилаётган вақтда вафот этган.
Шунингдек, Фарғона шаҳар Мурувват маҳалласи "Саноат" кўчасида ҳам автомобиль аёл пиёдани уриб юборган. Кўрсатилган тиббий муолажаларга қарамасдан пиёда ҳаётдан кўз юмган.
