2023 йил 18 февраль куни соат тахминан 19:40 ларда, Қашқадарёда “BMW” ва “Damas” иштирокида автоҳалокат юз берди. Бу ҳақда вилоят ИИБ хабар бермоқда.
“Китоб-Шаҳрисабз” автомобиль йўлининг 5 км.да ҳайдовчи С.Т. бошқарувида бўлган “BMW” автомобиль “Арабон” буюм бозори рўпарасидаги чорраҳада қарама-қарши йўналишдан келаётган, ҳайдовчи К.Л. бошқарувида бўлган “Damas” нинг ҳаракат йўлига чиқиб кетиши оқибатида йўл-транспорт ҳодисаси содир этган.
Натижада “Дамас” русумли автомобилида йўловчи сифатида келаётган А.А. тан жароҳати олиб шифохонага ётқизилган.
Мазкур ҳолат юзасидан Шаҳрисабз шаҳар ИИБ ТБ томонидан тергов ҳаракатлари олиб борилмоқда.
