Украина Президенти Владимир Зеленский Хитой раҳбари Си Цзиньпин билан учрашмоқчи. Бу ҳақда у матбуот анжуманида маълум қилди, дея хабар бермоқда "Zamon.uz".
"Биз Хитой билан катта савдо айланмасига эгамиз. Гап фақат урушда эмас", — деди давлат раҳбари.
Зеленскийнинг сўзларига кўра, Украина Хитой билан иқтисодий муносабатларни сақлаб қолишдан манфаатдор.
“Хитой ҳудудий яхлитликни ҳурмат қилади, демак, у Россияни бизнинг ҳудудларимиздан олиб чиқиш учун ҳамма нарсани қилиши керак”, — деди президент.
Эслатиб ўтамиз, Зеленский Россияга Хитой қуроллари етказиб берилишига йўл қўймаслик учун қўлидан келган барча ишни қилишини айтган эди.
