Европа Иттифоқи Россияга қарши ўнинчи санкциялар пакетини, хусусан, 121 жисмоний ва юридик шахсга нисбатан чекловчи чораларни тасдиқлади. Бу ҳақда шанба куни ЕИ ташқи сиёсати раҳбари Хосеп Боррел маълум қилди.
"Ўнинчи санкциялар пакети қабул қилинди. 121 жисмоний ва юридик шахс "қора рўйхатга" киритилди, импорт ва экспортга нисбатан муҳим янги чекловлар жорий этилди, Россия ташвиқоти оммавий ахборот воситалари тақиқланди", деб ёзди у Тwиттер саҳифасида.
Унинг сўзларига кўра, қора рўйхатга, хусусан, ҳарбий ҳаракатлар зонасидан болаларни эвакуация қилишда иштирок этган шахслар киритилган.
"Рўйхатларимиз доирасида биз камида 6 минг украиналик болани депортация қилиш ва мажбуран асраб олишда айбдорларни нишонга олмоқдамиз. Бу халқаро ҳуқуқнинг, жумладан, кеча БМТ Хавфсизлик Кенгашида гапирган Женева конвенциясининг очиқдан-очиқ бузилишидир, - дея қўшимча қилди у Боррелл.
