Туркияда зилзила қурбонлари сони 44 374 нафарга етди. Бу ҳақда Табиий офатлар ва фавқулодда вазиятлар оқибатларини бартараф этиш агентлиги (AFAD) хабар берди.
Эслатиб ўтамиз, шу йилнинг 6 февралида Туркия жануби-шарқида ва Суриянинг чегарадош ҳудудида 7,8 магнитудали ер қимирлаши содир бўлганди. Зилзила ўчоғи Қаҳрамонмарашдаги Пазаржик туманида, 7 км чуқурликда жойлашган. Табиий офатдан энг кўп талафот кўрган ва қурбонлар берган ҳудудлар — Қаҳрамонмараш, Ҳатай, Ғозиантеп, Килис, Осмоние, Малатя, Адияман, Шанлиурфа, Диёрбенкир, Адана.
