Қашқадарё вилояти Қарши шаҳрида шартли озод қилинган аёл яна жиноят содир этиб, уч йилга қамалди. Бу ҳақда вилоятнинг ҳудудий телеканали xaбар бермоқда.
Маълум қилинишича, судланувчи 2022 йилнинг 22 сентябрь куни эски танишлари билан учрашиб, ярим тунга қадар кўнгилхушлик қилган. Кейин улар аёлнинг уйига келиб, ичкилик ичиб, базм қилган. Тунги соат 3:00 лар атрофида уларнинг барчаси маст ҳолга келган.
Шу пайт бир эркак айбланувчига тегажоғлик қилишга уринган. Аёл бундан жаҳли чиқиб, ошхона пичоғи билан унга ташланган. Шу пайт уларни ажратмоқчи бўлган эркакни пичоқлаб қўйган. Тез фурсатда шифохонага етказилган жабрланувчининг ҳаёти сақлаб қолинган. Аёл судда айбига тўлиқ иқрор бўлган.
Қайд этилишича, бу аёл муқаддам қилган жинояти учун 4 йил муддатга озодликдан маҳрум қилинган, бироқ унга енгиллик берилиб, шартли озод қилинган.
Жиноят кодексининг 57-моддаси билан айбли деб топилди ва ушбу модда билан 3 йил-у 2 ой озодликдан маҳрум қилинди. Унинг фарзанди борлиги, айбига иқрорлиги инобатга олинган.
