Буюк Британиялик 19 ёшли йигит 69 ёшли бувисини ўлдирганликда айбланиб қўлга олинди. Бу ҳақда Zamon.uz хабар берди.
Сю Эддис Шарқий Сассекснинг Бригҳтон шаҳрида яшаган ва шаҳарда иккита италян ресторанига эгалик қилган. Муассасаларнинг муваффақияти уни миллионерга айлантирди. Кекса аёлнинг набираси Пиетро Эддис у билан бирга яшаган ва унинг ресторанларидан бирида ошпаз бўлишга тайёргарлик кўраётган эди. Полиция Сю Аддиснинг жасадини ваннадан, бўйин ва кўкрагида жароҳатланган ҳолда топди. Пиетронинг ўзи полицияга қўнғироқ қилиб, бувисини пичоқлаганини тан олди. Йигит унга 17 марта пичоқ урган.
Сю Аддис ўлдирилишидан набирасини реабилитация клиникасига жойлаштирмоқчи бўлган. Терговчилар марҳумнинг компьютеридаги қидирув тарихида гиёҳвандлик ва руҳий касалликларни даволашга ихтисослашган хусусий тиббиёт маркази веб-сайти манзилини аниқлади. Қидирув сўровлари аёл ўлган куни амалга оширилган.
Пиетро қотилликда айбини тан олди. Унинг адвокатларининг таъкидлашича, ўша пайтда у қабул қилган дорилар таъсирида бўлган. Улар ушбу омилни келажакдаги жазо учун енгиллаштирувчи ҳолат сифатида ҳисобга олишни сўрашади.
Бироқ, айблов тарафи ҳимоячининг далилларини рад этади. Прокурорнинг фикрича, 19 ёшли Пиетро ақли расо бўлган ва нима қилаётганини билган.
