Мессининг қариндошларига тегишли дўконда отишма содир бўлди. Бу ҳақда zamon.uz хабар бермоқда.
Ҳодиса Аргентинадаги супермаркетда юз берган. Отишма оқибатида ҳеч ким жабрланмаган. Жиноятчилар футболчига мактуб ташлаб кетган.
"Месси, биз сени кутяпмиз. Шаҳар мэри Хавкин — наркотик сотади, у сен хақингда қайғурмайди", — деб ёзилган мактубда.
Қайд этилишича, дўкон футболчи рафиқасининг қариндошларига тегишли. Полиция қидирув ишларини бошлаган.
