Бекзод Мираҳмедов Ўзбекистонда халқаро инглиз тилини баҳолаш тизими (IELTS)дан максимал 9 баллни қўлга киритди. Бу ҳақда газета интернет нашри ёзди.
Бекзод Мираҳмедов 3 март куни ўзининг Instagram саҳифасида сертификатни қабул қилиб олгани ҳақида видео жойлади.
У IELTS имтиҳонининг 3 та қисмидан — Listening (тинглаб тушуниш), Speaking (сўзлаш) ва Reading (ўқиб тушуниш)дан 9 балл, Writing (ёзиш) имтиҳонидан эса 8 баллни қўлга киритган.
Бекзод Мираҳмедов сўнгги марта январь ойида мазкур имтиҳондан ўтиб, 8,5 балл олганди.
Шунингдек, у 10 йилдан ортиқ тажрибага эга IELTS инструктор ҳисобланади.
