Туркияда яна ер қимирлади

Туркиянинг Қаҳраманмараш вилоятида 5,0 магнитудали зилзила қайд этилди. Бу ҳақда Европа-Ўртаер денгизи сейсмология маркази хабар берди.

Маълумотларга кўра, зилзила ўчоғи 4 км чуқурликда бўлган.

Қурбонлар ва вайронагарчиликлар ҳақида маълумотлар йўқ.

Эслатиб ўтамиз, 6 февраль куни Туркиянинг ушбу вилоятида 7,7 магнитудали зилзила содир бўлиб, вайронагарчиликларга олиб келганди.