Шу йилнинг якунига қадар Қозоғистонда коррупционерларнинг пули эвазига 70 та мактаб қурилиши режалаштирилган. Бу ҳақида таълим вазири Гани Бейсембаев маълум қилган, деб ёзади Расул Кушербаев ўзининг Телеграм каналида.
Аввалроқ Қозоғистонда коррупционерлардан 50 млрд тенгега тенг "коррупцион маблағ" махсус хисоб рақамига йиғилгани айтилганди.
Коррупционерларнинг пулини мактаблар қурилишига сарфлаш ҳақида Қосим-Жўмарт Тоқаев Қозоғистон халқига қилган мурожаатида топшириқ берган.
Шундай биринчи мактаб ўтган ойнинг бошида Актюбинск вилоятида қурилиб, фойдаланишга топширилган.
"Яхши ташаббус. Қурилаётган мактаблар сонига қараб, коррупция даражаси қандай эканлигини билса бўларкан.
Қизиқ: агар бизда ҳам шундай тартиб жорий қилинса, бир йилда коррупционерлардан ундирилган маблағларга қанча мактаб қурар эканмиз" деб ёзади мавзу доирасида депутат Расул Кушербаев.
