Каталония Киберхавфсизлик агентлиги хабарига кўра, "Ransom House" хакерлик гуруҳи Барселонанинг йирик шифохоналаридан бири бўлган "Clinic de Barcelona"га киберҳужум уюштиришган.
Киберҳужум оқибатида 150 дан ортиқ тезкор жарроҳлик операциялари тўхтаб қолган ва 3 000 нафардан ортиқ беморлар уланган қурилмалар ишдан чиққан.
Шифохона директори Антони Кастель матбуот анжуманида - фавқулодда вазият режаси шифохонанинг бир неча кун ичида ишлашига имкон беришини, аммо шифохона компьютер тизими тикланмаган тақдирда беморларни кўчиришга тўғри келишини маълум қилган.
Киберҳужум Испания ҳудудидан ташқарида "Ransom House" хакерлик гуруҳи томонидан амалга оширилган. Аммо ҳозирги вақтга қадар "Ransom House" томонидан ҳеч қандай талаб қўйилмаган.
