Россия томонидан Украинадаги урушга юборилган 43 ёшли эркакнинг жасади Ўзбекистонга олиб келинди (видео)

ДУНЁ 10.03.2023, 16:48
Россия томонидан Украинадаги урушга юборилган 43 ёшли эркакнинг жасади Ўзбекистонга олиб келинди (видео)

Россияда 5 йиллик қамоқ жазосини ўтаётган Ўзбекистон фуқароси Украинада вафот этди. Унинг жасади 30 январь куни Қорақалпоғистоннинг Элликқалъа туманидаги яқинларига топширилди, деб хабар қилди. Ўзбекистон Давлат хавфсизлик хизмати матбуот хизмати.

Эркак болалигидан ота-онаси ажрашганлиги сабаб ишлаб пул топган. У пайвандчилик ҳунарини ўрганиб олгани учун Ўзбекистонда ҳам даромади яхши бўлган.

Онасининг айтишича, анча йиллар олдин дўстларига қизиқиб, Москвага ишлаш учун кетган.  2008 йилда уйланган, бир нафар қиз фарзанд кўрган. Қизи бир ёшга тўлганда фарзандини бувисининг қарамоғига ташлаб, хотини билан Россияга ишлашга кетган.

У ҳасталаниб, Ўзбекистонга қайтади. Икки йилдан сўнг, яъни 2019 йилда яна Москвага кетишга қарор қилади. Кўнглига ғашлик оралаган она бу гал ўғлини Россияга боришига қаршилик билдиради. Эркак 40 йил аввал қурилган яшаш хонадонининг таъмири учун пул ишлаб келишини айтиб, онасини кўндиради.

Ўша йилнинг декабрида ишчилар билан можаро туфайли у Россияда 5 йиллик қамоқ жазосига ҳукм қилинган.

У 2022 йил охирида қариндошлари билан алоқага чиқмай қўяди. Январь ойида яқинларига унинг вафоти ҳақида хабар келади.

Украинага ўз ихтиёри билан юборилганми ёки мажбурлов остидами — яқинлари бу ҳақда билмайди.

 

 

Шарҳлар

Об-ҳаво: Тошкент
Валюта курси
1