АҚШда ўз чақалоғини ўлдирган ота-она орадан 31 йил ўтиб қўлга тушди

ДУНЁ 15.03.2023, 21:23
АҚШда ўз чақалоғини ўлдирган ота-она орадан 31 йил ўтиб қўлга тушди

Америка Қўшма Штатларида полиция 31 йил олдин янги туғилган қизини ўлдиришда гумон қилинган эр-хотинни ҳибсга олди. Бу ҳақда Zamon.uz хабар берди.

Қизнинг жасади 1992 йил 17 апрелда Пикаюне шаҳридаги ахлатхонадан топилган. Криминалистлар боланинг ўша куни туғилганини ва туғилгандан бир неча дақиқа ўтиб бўғиб ўлдирилганини аниқлашганди. Ўша вақтда қотилни фош қилишга имкон берадиган далилларни топишнинг иложи бўлмаган. Шунга қарамай, тергов яна уч йил давом этган.

Қотиллик бўйича қайта тергов 2021 йилда бошланган. Миссисипи тергов бюроси ходими суд-генетик экспертиза ўтказиш учун грант олди ва ўзидан олдингилар томонидан жиноят жойида тўпланган ДНК намуналарини синаб кўришга қарор қилди. Генетик генеалогияни ўрганишнинг замонавий усуллари жиноятни марҳумнинг ота-онаси бўлган Инга Ёхансен Керриер ва унинг турмуш ўртоғи Эндрю Керер томонидан содир этилганлигини аниқлашга имкон берди. Ҳар икки гумонланувчи ҳам ҳозир 50 ёшда. Улар ҳозирда гаров пулисиз қамоқхонада сақланмоқда. Улар биринчи даражали қотилликда айбланган. Миссисипи қонунига кўра, улар ўлим жазосига ҳукм қилиниши мумкин.

Шарҳлар

Об-ҳаво: Тошкент
Валюта курси
1