Туркиядаги ертўлада 5 кишининг жасади топилган. Бу ҳақда Туркия ички ишлар вазири Сулаймон Сўйлу маълум қилди, деб ёзди TRT Haber.
Унинг сўзларига кўра, Шонлиурфада 12 киши, Одиёмонда яна 2 киши ҳалок бўлган. Беш кишини қидириш ишлари давом этмоқда.
Anadolu агентлиги хабарига кўра, 14 март куни Шонлиурфада кучли ёмғир ёғган. Вилоят маъмурий марказининг бир қатор кўча ва хиёбонларини сув босган. Ўт ўчириш хизмати маълумотларига кўра, Вайсул Қороний кварталидаги бинонинг ертўласидан беш кишининг жасади топилган, улар Сурия фуқаролари бўлган.
