Dili me номи билан ижод қилувчи вайнер гуруҳ бўлиб битта болани калтаклашгани учун вақтинчалик қамоққа олингани ҳақида хабарлар тарқалди.
Бош прокуратуранинг маълум қилинишича, вайнер 23 январь куни шериклари билан фуқаро П.А.ни уриб тан жароҳат етказган.
Мазкур ҳолат юзасидан Жиноят кодексининг 277-моддаси (Безорилик) билан жиноят иши қўзғатилган.
Жиноят иши бўйича гумонланувчи бир неча маротаба чақиртирилишига қарамасдан терговга келишдан бўйин товлаб келган.
Шу сабабли унга нисбатан қидирув эълон қилинган.
Олиб борилган тезкор қидирув ҳаракатлари давомида Ў.Д. 10 март куни ушланиб, терговга жалб қилинган.
Ижтимоий тармоқларда тарқалган миш-мишларга кўра, вайнер калтаклаган П.А. ўзининг куёви бўлган. Бунга сабаб синглисига қўл кўтаргани бўлган.
