Кеча, 18-март куни Навоий шаҳрида Дамас русумли автомобил ҳаракатланаётган вақтида ёниб кетди.
Маълум бўлишича, соат 15:00 атрофида машина салонидан тутун чиққан. Йўловчилар машинадан тушаётганда ёнғин бошланган.
Ҳайдовчи газ баллонини ёпиб, ўт ўчириш ускунаси билан ёнғинни бостирмоқчи бўлган, аммо автомобиль тўлиқ ёниб кетган. Ҳодиса оқибатида ҳеч ким жароҳатланмаган.
2 та қутқарув экипажи воқеа жойига етиб бориб, ёнғинни ўчирган.
