Россия депутати Семён Багдасаров телеканалдаги жонли эфирда инқироздан фойдаланиб, Марказий Осиёдан тортиб, Туркияга қадар босиб олишни таклиф қилди.
Улар дўст бўлмоқчи эмас, шунчаки босиб олмоқчи, дея муносабат билдирмоқда Расул Кушербаев.
“Одатда рус раҳбариятининг яширин истакларини мана шу каби депутатлари баралла айтишни бошлайди. Сўнг секин-аста жамоатчиликнинг қулоқлари бунга кўникиб бўлгач, ушбу мақсадга етиш учун ҳақиқий ҳаракатлар бошланади.
Дастлаб Украинани босиб олиш ҳаракатлари ҳам дастлаб шундай чиқишлар билан бошланган эди. Бугун эса бу ҳақиқатга айланди.
Бу ҳаракатлардан бир нарса аёнлашиб бормоқда: улар дўст бўлмоқчи эмас, шунчаки босиб олмоқчи”, - дейди Кушербаев.
