Бироз аввал, Наманган вилоятида жойлашган “Афсоналар водийси”да 80 метрлик мега лаваш тайёрлангани ҳақида хабар берган эдик.
Янги Наманган тумани ҳокимлиги ахборот хизматининг хабар беришича, тадбирда кўнгилочар шоу-дастурлар намойиш этилиб, аҳолига кўтаринки кайфият бахшида этилмоқда.
Аҳамиятлиси, ҳақиқий маънодаги кутилмаган совға — 80 метрли улкан мега лаваш тайёрланиб, байрам меҳмонларига тақдим этилди.
Мега лаваш учун 80 кг гўштдан фойдаланилади. Шунингдек, 40 кг помидор ва бодринг, 15 кг қовурилган картошка (чипслар), 20 литр соус ҳамда бошқа маҳсулотлар ишлатилади.
Маълумот учун, бундан аввал Тошкент шаҳрида 31,5 метрли мега лаваш тайёрланган эди.
