Хонанда Дилмурод Далиев кеча, 23 март куни тунда хотинини пичоқлаб қўйди. Бунинг оқибатида аёл вафот этган.
Бу ҳақда унинг дўсти Мирзоозод Мирзанеъматов ўзининг ижтимоий тармоқлардаги саҳифасида маълум қилди. Бош прокуратура Darakchi.uz'га ўлим тафсилотлари ҳақида қуйидагиларни маълум қилди.
Қайд этилишича, 23 март куни соат 01.55 ларда Риштон туманида яшовчи 36 ёшли Д.Д. қонуний ниҳокдан ўтмай яшаб келган 31 ёшли аёл М.Б. билан оилавий масалада жанжаллашиб, ошхона пичоғи бир неча маротаба унга тан жароҳати етказган.
Олган тан жароҳатлари оқибатида аёл ҳодиса жойида вафот этган.
Шу куни Жиноят кодексининг 97-моддаси 1-қисми билан жиноят иши қўзғатилган.
Гумонланувчи процессуал тартибда ушланган, дейилади хабарда.
