Сурхондарёда ўқитувчилар "Open Budget"га овоз йиғиш учун мажбурланаётгани айтилган видео тарқалди.
Унда Ангор тумани "Навшахар" маҳалласида туманнинг 36-мактаб ўқитувчилари иш куни бўлишига қарамасдан "Open Budget" учун овоз йиғишётгани айтилган. Ўқитувчиларнинг айтишича, топшириқ раҳбарлардан бўлган.
Бош прокуратуранинг маълум қилишича, Ангор туманидаги ҳолат Сурхондарё вилояти прокуратураси томонидан ўрганилмоқда.
