Давлат томонидан яна бир гуруҳ ёшлар хорижий ОТМларга ўқишга юборилади. Шу мақсадда “Эл-юрт умиди” жамғармаси 2023 йилги 1 стипендия танловини эълон қилади. Танлов 500 ўринга мўлжалланган бўлиб, бакалавриат таълим дастури учун 75 ўрин, магистратура учун 275 ўрин, докторантура учун 150 ўрин стипендиялар ажратилади.
Номзодларнинг ҳужжатлари 2023 йил 1 апрелдан – 1 майга қадар, республиканинг барча ҳудудлари вакиллари учун ягона тартиб ва тенг имконият асосида, онлайн режимда ва электрон тарзда қабул қилинади.
Саралаш босқичлари 2023 йил 1 майдан 1 июнга қадар давом этади.
Номзодлар учун барча зарур маълумотлар Жамғарманинг Онлайн ҳужжат топшириш платформасида батафсил маълумот берилган.
