Туркияда яна зилзила содир бўлди

Туркиянинг Кастамону вилоятида 4,2 магнитудали зилзила содир бўлди. Бу ҳақда шанба куни Туркия ҳукумати ҳузуридаги Табиий офатлар ва фавқулодда вазиятлар оқибатларини бартараф этиш агентлиги (АФАД) томонидан тарқатилган.

Маълумотларга кўра, ер силкинишларининг эпицентри Ихсангази туманида, ўчоғи 11,83 километр чуқурликда жойлашган.

Вайронагарчилик ва қурбонлар ҳақида маълумотлар йўқ.