Франция президенти Эммануел Макрон давлат ташрифи билан Хитойга келди ва у ерда Хитой раҳбари Си Сзинпин билан учрашади. Бу ҳақда РИА Новости хабар бермоқда.
Франция раҳбарининг самолёти Пекин вақти билан куннинг иккинчи ярмида Хитой пойтахти аэропортига қўнган. Макрон Хитойда уч кун қолади. Сиёсатчи Пекин ва Хитой жанубидаги Гуандун провинциясининг Гуанчжоу шаҳрига ташриф буюради.
Ушбу сафарда Франция президенти Европа комиссияси раҳбари Урсула фон дер Леенни таклиф қилди, аммо унинг иштироки Макрон ва Си ўртасидаги уч томонлама учрашув билан чекланади.
Аввалроқ Макрон Хитойга ташрифи чоғида Хитой раҳбари Си Сзинпинни Россия етакчиси Владимир Путин билан яқинлашишдан қайтармоқчи экани маълум бўлган эди. У Си билан бир неча соатлик музокаралар олиб бориши кутилмоқда. Унинг сафари Хитой раҳбари учун шахсий аҳамиятга эга бўлган шаҳарга ташрифни ўз ичига олади.
Франция раҳбари Хитой ҳукуматини Украина инқирозини ҳал қилишда воситачилик миссиясига жалб қилмоқчи. Шу билан бирга, Европа давлатлари ва АҚШ вакиллари сиёсатчининг ташрифи муваффақиятли ўтишига шубҳа қилмоқда.
