Хабар берилганидек, бугун соат 11:10 да “Тошкент-Ўш” халқаро автомобил йўлининг 259-километрида Қамчиқ довонига ўтувчи йўлда юк машинаси ва учта енгил автомобил иштирокида ЙТҲ содир бўлди.
Фавқулодда вазиятлар вазирлиги хабарига кўра, тўқнашув натижасида лак-бўёқ маҳсулотларини олиб кетаётган юк машинаси ёниб кетган. Ёнғин-қутқарув гуруҳлари зудлик билан воқеа жойига етиб бориб, 25 дақиқа ичида ёнғинни ўчиришган.
Ушбу ҳодиса натижасида 6 киши жабрланган, улар энг яқин тиббиёт муассасасига ётқизилган. Ёнғин тўлиқ ўчирилгандан сўнг юк машинасининг ҳайдовчиси вафот этгани маълум бўлди.
