Қорақалпоғистоннинг Нукус шаҳрида уч ёшли қизини 1,5 минг долларга сотаётган аёл қўлга олинди. Бу ҳақда Ички ишлар вазирлиги ахборот хизмати хабар берди.
Хабарга кўра, 5 апрель куни Нукус шаҳрида 2001 йилда туғилган аёл ўзининг 2020 йилда туғилган қизини пулга сотаётган вақтда тегишли идора вакиллари томонидан далиллар билан қўлга олинди.
Ҳозирда ҳолат юзасидан Жиноят кодексининг 135-моддаси 3-қисми билан жиноят иши қўзғатилиб, дастлабки тергов-суриштирув ишлари олиб борилмоқда. Аёл бугунги кунда ишсиз бўлган фарзандининг отаси билан ажрашган ва қизини ўз қарамоғида боқиб келган.
Қайд этилишича, қизалоқ ҳозирги кунда меҳрибонлик уйига жўнатилган.
