АҚШ президенти Жо Байден президентлик сайловларида иштирок этишга қарор қилди. У “яқин орада” сайлов кампаниясини бошланганини эълон қилишга ваъда берди.
“Мен бу ҳисоб-китобларни қилдим. Биз буни яқин орада эълон қиламиз. Аммо бу ерга сафарим нима қилиш мумкинлиги ҳақидаги оптимизмимни янада кучайтирди. Мен сизга айтган эдим, менинг режам - яна сайловларда иштирок этиш”, - деди Байден Дублинда журналистларга.
Айтиб ўтиш лозим, Жо Байден олдин ҳам 2024 йилги президентлик сайловларида иштирок этиши мумкинлиги ҳақида бир неча бор айтган эди. Мисол учун, сентябрь ойида у сайловларда иштирок этиш ниятида эканлигини айтган, аммо қатъий қарорга ҳали келмаганини таъкидлаган.
Жо Байден АҚШнинг энг кекса президенти, ҳозир у 80 ёшда.
15.04.2023 12:28
Байден президентлик сайловларида иштирок этишга қарор қилди
