БМТ Хавфсизлик Кенгаши ва Бреттон-Вудс тизими институтларини ислоҳ қилиш вақти келди. Бу ҳақда бош котиб Антониу Гутерриш Хиросимада ўтказилган G7 саммити якунига бағишланган матбуот анжуманида айтган.
"Глобал молиявий архитектура эскирган, ишламай қолган ва адоласиз бўлиб қолди", деган у.
Гутерришнинг таъкидлашича, COVID-19 ва Украина инқирози билан боғлиқ вазиятда тизим "глобал хавфсизлик тармоғи вазифасини" бажара олмади. Унинг қўшимча қилишича, БМТ Хавфсизлик Кенгаши ва Бреттон-Вудс тизими институтлари “бугунги дунё ҳақиқатларига” мослаштирилиши керак.
Апрель ойи охирида БМТнинг Нью-Йоркдаги штаб-квартирасида ирод қилган Россия ташқи ишлар вазири Сергей Лавров Хавфсизлик кенгаши ислоҳотини, унда Осиё, Африка ва Лотин Америкаси давлатларининг иштирокини кенгайтириш орқали тезлаштиришга чақирган. Унинг таъкидлашича, "Унда Ғарб жуда кучли вакиллик қилмоқда", бу "кўп томонламалик тамойилига путур етказади".
Кейин Гутерриш БМТ Хавфсизлик Кенгашига аъзо мамлакатларнинг аксарияти "ҳозирги геосиёсий воқеликни акс эттирувчи ислоҳотлар ташкилотга фойда келтиришини" тан олишини айтган. Бреттон-Вудс институтлари билан боғлиқ вазиятни шарҳлар экан, БМТ Бош котиби улар ҳам “замонавий жаҳон иқтисодиёти воқеликларини акс эттирмаслигини” қўшимча қилган.
