Миллиардер Илон Маскга тегишли Neuralink компания мияга чипларни имплантация қилиш бўйича одамларда клиник синов ўтказиш учун рухсат олди. Бу ҳақда компаниянинг Twitterдаги баёнотида айтилади.
Таъкидланишича, АҚШ озиқ-овқат ва фармацевтика идораси(ФДА) ижобий қароридан сўнг, "Neuralink" клиник синовлар учун кўнгиллиларни излай бошлайди.
Март ойи бошида Reuters агентлиги ФДА "Neuralink" нейрочипини одамларда синаб кўришидан бош тортганини хабар қилган эди. Идора, лойиҳани амалга ошириш учун компания олдида ҳал қилиниши керак бўлган ўнлаб муаммолар борлигини тушунтирган.
