Тошкент шаҳар Учтепа туманида 8 та машина иштирокида йўл-транспорт ҳодисаси содир бўлди. Бу ҳақда Тошкент шаҳар ИИББ ЙҲХБ хабар берди.
Хабарда айтилишича, 31 май куни соат 21:00 ларда Учтепа тумани ТҲАЙ - Заргарлик кўчалари кесишган чорраҳада 8 та транспорт воситаси иштирокида йўл-транспорт ҳодисаси кузатилган. Хусусан,
- "КАМАЗ" юк машинаси;
- Lacetti автомашинаси;
- Spark автомашинаси;
- Lacetti автомашинаси;
- Spark автомашинаси;
- Lacetti автомашинаси;
- Nexia-3 автомашинаси;
- Matiz автомашиналари иштирокида йўл-транспорт ҳодисаси содир бўлган.
ЙТҲ оқибатида Lacetti автомашинаси ҳайдовчиси тан жароҳати олиб, шифохонага олиб кетилган. Ҳолат юзасидан Тошкент шаҳар ИИББ ЙҲХБ ходимлари томонидан дастлабки суриштирув ҳаракатлари олиб борилмоқда.
