Аргентиналик футболчи Лионел Месси 2 йиллик фаолиятидан сўнг "ПСЖ"ни тарк этади. Бу ҳақда жамоа бош мураббийси Кристоф Галте маълум қилди.
"Футбол тарихидаги энг яхши футболчи билан бирга ишлаш шарафига муяссар бўлдим. Клермонга қарши ўйин Месси учун "Парк де Пренс"даги сўнгги ўйин бўлади. Уни яхши кутиб олишади, деб умид қиламан, — дейди Галте.
35 ёшли Лео жорий мавсум Франция чемпионатида 31 та учрашув ўтказиб, 16 та гол ва 16 та голли узатмага муаллифлик қилди.
