Самарқандда 39 ёшли эркак 6 ва 8 ёшли ўғилларини сим билан бўғиб ўлдиргани ҳақида хабар берилган эди. 17 май куни соат 03:00 ларда Тойлоқ туманида эркак Россияга ишлаш учун кетган турмуш ўртоғини бегона шахслар билан ишқий муносабатда бўлгани ҳақида видео тасвирларини кўрган ва ушбу жиноятни содир этгани айтилган эди.
"Миллий" телеканалида хориждан қайтган аёл билан суҳбатлашди.
Аёлнинг чет давлатга кетишига оиланинг кўпайиб кетган қарзлари сабаб бўлган. Эркакнинг ўзи хотинини хорижга кетишига рухсат берган.
2022 йил 10 ноябрь куни хорижга кетган аёл, 3 апрелда эрининг чақируви билан қайтиб келган. Эри ўша пайтда ораларида бўлиб ўтган жанжалда, унинг "жавоби"ни берган.
Аёл фарзандларининг ўлимига қайнонаси ва опаси билан ўртасидаги муаммолар сабаб бўлганлигини айтган.
Маълум қилинишича, қотил ота гиёҳванд бўлган.
Эркакка ЖКнинг 97-моддаси 2-қисми "а" ва "в" бандлари билан жиноят иши қўзғатилиб, гумонланувчи процессуал тартибида ушланган.
