Самарқандда эркак собиқ аёлини ишқий муносабатлари акс этган фото ва видеоларни тарқатиш билан "шантажлик" қилиб $5 минг талаб қилди. Бу ҳақда вилоят ИИБ хабар берди.
Маълум қилинишича, пастдарғомлик эркак таниш аёли билан тил бириктириб, собиқ хотинидан "шантаж" орқали, товламачилик йўли билан пул ундирмоқчи бўлган. Аёл ва эркак ўртасида ишқий муносабатлар акс этган фото ва видеоларни интернетда тарқатиш билан қўрқитиб, 5 минг АҚШ доллари миқдорида пул талаб қилган.
2023 йил 13 июнь куни вилоят Ички ишлар бошқармаси ходимлари томонидан ўтказилган тезкор тадбирда ёлланма аёл 5 минг долларни олаётган вақтида ашёвий далиллар билан ушланган.
Ҳолат юзасидан Жиноят кодексининг 165-моддаси 2-қисми "а" банди билан жиноят иши қўзғатилиб, тергов ҳаракатлари олиб борилмоқда.
