Бугун ижтимоий тармоқларда "Ўзбекнефтгаз"га қарашли АЁҚШларда Аи-92 бензини нархи 8600 сўмга кўтарилгани ҳақида хабарлар тарқалди. "Darakchi.uz" аниқлик киритиш мақсадида "Ўзбекнефтгаз" АЖ билан боғланди. Маълум қилинишича, тарақалётган хабар тўғри, айни пайтда Ўзбекистонда Аи-92 бензинининг 1 литри 8600 сўмдан сотилмоқда.
"Хабарингиз бор, аввалроқ 9200 сўмдан сотилиб келинган Аи-92 бензини нархи март ойида эълон қилинган акция доирасида 7500 сўмга туширилган эди. Айни пайтга келиб мазкур акция муддати тугади. Бироқ, нарх аввалги каби 9200 сўм эмас, бироз арзонлаштириб, 8600 сўм этиб белгиланди", - дея изоҳ берди жамият масъули.
