Париждан Мартиникага учаётган самолётда аёл ўғил туғди.
Маълум қилинишича, 24 август куни қўнишга бир соат қолганда йўловчи чақалоқни дунёга келтирган. Парвоз тахминан 8,5 соат давом этган. Аёлнинг туғуруғи келгач, у билан бирга парвозда бўлган икки стажёр ва ҳамшира туғишда муваффақиятли ёрдам беришган. Она ва бола қўнганидан кейин тез ёрдам машинаси уларни касалхонага олиб кетган.
Қоидага кўра, ҳомиладорликнинг кеч давридаги аёлларга ҳаво сафари тақиқланади, авиакомпаниялар авиакомпаниялардан рухсатнома бўлмаса, уларни рад этишлари мумкин.
Шунингдек, икки кун аввал Мьянмада Тачилейк-Янгон йўналишида учаётган самолётда бир аёлнинг кўзи ёриди. Ҳодиса Тачилейкдан ҳавога кўтарилганидан 20 дақиқа ўтиб содир бўлган. Бортда шифокор бўлмаган, қиз чақалоқ йўловчилар ёрдами билан дунёга келган. Она ва бола соғлом экани хабар қилинмоқда.
Эслатиб ўтамиз, Uzbekistan Airways компаниясининг Тошкентдан Наманганга учган НУ273 рейси бортида 26 апрель куни ўғил бола дунёга келган эди. Сал аввал эса, Москвадан Наманганга учаётган самолёт бортидаги ҳомиладор аёлни тўлғоқ тутгани учун Тошкентга қўндирилган.
