Электр таъминотидаги узилишлар сабабли шаҳарнинг тўртта туманида иссиқ сув таъминоти вақтинча тўхтатилади. Бу ҳақда "Veolia Energy Tashkent " компаниси хабар берди.
"Электр таъминоти фавқулодда тўхтатилиши муносабати билан бугун, 25 октябр куни "Тошкент иссиқлик маркази" МЧЖ нинг 4-ИМ қозонхонаси (бизнинг асосий иссиқлик энергияси етказиб берувчимиз) ишлаётган ҳудудда иссиқ сув таъминоти тўхтатилади.
Шайхонтоҳур, Олмазор, Юнусобод ва Мирзо-Улуғбек туманларининг 4-ИМ қозонхона фаолият юритувчи ҳудудида жойлашган айрим жойлари (жами 892 та объект) фаолияти тўхтатилади.
Иссиқ сув таъминоти электр тармоғидаги авариявий ишлар тугаллангандан сўнг тикланади", дейилади хабарда.
