НОябрь ойи Марказий Осиё учун ғайритабиий илиқ келди. Бу ҳақда "Ўзгидромет" етакчи мутахассиси Эркин Абдулаҳатов маълум қилмоқда.
Жумладан, кеча, 17 ноябрь куни Туркманистон ва Ўзбекистонда +31°С иссиқ ҳарорат рўйхатга олинган.
Кеча Қозоғистоннинг денгиз сатҳидан 600 м баландлигида ҳам +27,3°С, Тожикистоннинг 1015 метр баландлигида эса +26.5°С ҳарорат қайд этилган.
Тунги минимум ҳароратлар янада ҳайратланарли. Туркманистоннинг Сарагт пунктида ноябрда тунги минимум қарийиб +22°С кузатилган.
Ҳозир ҳам Ўзбекистоннинг кўплаб шаҳарларида шу кун учун хос тунги минимум ҳарорат рекордлари янгиланмоқда. Яъни тонгги соат 5:00да республиканинг марказий шаҳарлари ва пойтахтда тунги минимум ҳароратлар +20°С ва ундан юқори кузатилмоқда.
Эслатиб ўтамиз, аввалроқ, Самарқанд ва Тошкентда тарихдаги энг иссиқ 16 ноябрь кузатилгани хабар қилинган эди.
