НБС миллий сўровига кўра, АҚШ президенти Жо Байденнинг сиёсатини маъқуллаш рейтинги 2021 йилда президентликка келганидан бери рекорд даражага тушиб кетди – 40%.
Респондентларнинг 57 фоизи, Байденнинг ҳаракатларини маъқулламайди. Сайловчиларнинг атиги 33 фоизи президентнинг ташқи сиёсатга ёндашувини маъқуллайди.
Сайловчиларнинг атиги 38 фоизи Байденнинг иқтисодий сиёсатини қўллаб-қувватлайди.
Сайловчиларнинг атиги 34 фоизи президентнинг Яқин Шарқдаги уруш борасидаги ҳаракатларини маъқуллаган, 56 фоизи эса қарши чиққан. НБС таъкидлашича, шу фонда 18 ёшдан 34 ёшгача бўлган ёшларни қўллаб-қувватлаш кескин камайди - сентябрдаги 41 фоиздан 31 фоизгача.
Аввалроқ The New York Times/Siena коллежи сўровига кўра, АҚШнинг собиқ президенти Дональд Трамп 4-11 фоизлик фарқ билан олтита муҳим штатнинг бештасида Байдендан олдинда эканлиги хабар қилинган эди.
