Кеча, 25 ноябр куни Тошкентдаги "Humo arena" саройида Jah Khalib'нинг концерт дастури бўлиб ўтди.
Айрим манбалар тартибсизликларнинг концерт учун сотилган сохта чипталар оқибатида келиб чиққани ҳақида ёзишмоқда.
Ҳолат юзасидан Миллий гвардия Матбуот хизмати маълумот берди.
Ушбу концертга ташриф буюрган фуқаролар "Humo arena" саройига кириш жойларида катта тирбандлик ҳосил қилган ва тартибсизлик ҳолатлари юз берган.
Шу ерда хизмат олиб бораётган ходимлари томонидан жамоат тартибини бузганликда гумонланган фуқаролар воқеа жойидан хавфсиз ҳудудга олиб чиқилган ва юз бериши мумкин бўлган салбий ҳолатларнинг олди олинган.
"Тартибузарликка доир ҳолат юзасидан суриштирув ва ўрганиш ишлари олиб борилмоқда. Барча фуқаролар воқеа жойидан тарқатилган. Тан жароҳати олганлар йўқ", – дейилади хабарда.
