1

Ўзбекистонда ёғингарчилик ва совуқ давом этади

ЖАМИЯТ 26.02.2024, 12:05
Ўзбекистонда ёғингарчилик ва совуқ давом этади

“Ўзгидромет” жорий ҳафтада кутилаётган об-ҳаво маълумотини эълон қилди. 

Маълум қилинишича, қишнинг сўнгги кунлари ва баҳорнинг биринчи куни Ўзбекистон ҳудуди бўйича об-ҳавонинг беқарор шароити сақланиб туради.

26-29 февраль ва 1 март кунлари республиканинг кўпчилик вилоятларида вақти-вақти билан ёғингарчилик (ёмғир, қор) бўлади. Фақат Қорақалпоғистон Республикаси, Хоразм вилоятида ва бугун кундузи Бухоро, Навоий вилоятларида ёғингарчилик кутилмайди.

Ушбу кунларда республика бўйича меъёрдан 2-5о га паст бўлган ҳарорат сақланиб туради. Ҳаво ҳарорати кечалари 0-5 даража совуқ, шимолда 5-10 даража совуқ, кундуз кунлари 2-7 даража илиқ атрофида бўлади.

Шамол 7-12 м/с тезликда эсади. Республика бўйича баъзи жойларга туман тушади.

Тоғли ҳудудларда вақти-вақти билан қор ёғади. Қор кўчиши хавфи бор.

Пойтахтда: бугун куннинг биринчи ярмида бироз ёғингарчилик (ёмғир, қор) бўлиши мумкин.

28 февраль ва 1 март кунлари вақти-вақти билан ёмғир ва қор кўринишидаги ёғингарчилик бўлади. Ҳафтанинг қолган кунлари эса асосан ёғингарчиликсиз об-ҳаво бўлиши кутилмоқда.

Ҳарорат кечалари 1-4 даража совуқ, кундуз кунлари 3-6 даража илиқ бўлади.

Кечаси ва эрталаб туман тушиши мумкин. Шамол шарқдан 5-10 м/с тезликда эсди.

Шарҳлар

Об-ҳаво: Тошкент
Валюта курси
1