Бухородаги қамоқхонада жазо муддатини ўтаётган маҳкумнинг онаси ўғлининг саломатлигидан ташвишланиб Омбудсманга мурожаат қилган. Бу ҳақида Инсон ҳуқуқлари бўйича вакили (омбудсман) Ахборот хизмати darakchi.uz`га маълум қилди.
Унинг айтишича, аёл охирги марта ўғлини кўриш учун узоқ муддатли учрашувга Қўқондан Бухорога борганида, 3 кун эмас 2 кунга рухсат берилган.
Қайд этилишича, мурожаат маҳкумнинг соғлиғи билан боғлиқлиги сабабли, у эртаси куниёқ ўрганилган.
Маҳкум шифокорлар томонидан тиббий кўрикдан ўтказилгач, уни Тошкент шаҳридаги 23-сон маҳкумларга мўлжалланган ихтисослашган касалхонага юборишга эҳтиёж йўқлиги маълум бўлган.
Шунингдек колония томонидан келтирилган маълумотларга кўра, узоқ муддатли учрашувларнинг 2 кунга қисқаришига, юзага келган узоқ навбатларда ҳомиладор ва ёш боласи бор аёллар бўлгани сабаб бўлган.
