Қашқадарё вилоятида "Яшил макон" умуммиллий лойиҳаси доирасида экилган дарахт кўчатлари орасига қўйларни ҳайдаган фуқаро жаримага тортилди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги хабар берди.
Билдирилишича, вилоят Экология, атроф-муҳитни муҳофаза қилиш ва иқлим ўзгариши бошқармаси Қарши туман бўлими ходимлари томонидан турли ҳудудларда рейд тадбири ўтказилган. Рейд давомида Қарши тумани “Манғит” МФЙ ҳудудида фуқаро О. Б. томонидан 50 бош майда шохли молларни "Яшил макон" умуммиллий лойиҳаси доирасида экилган дарахт кўчатлари орасига ҳайдаб, кўчатларга шикаст етказган.
Ҳолат юзасидан ҳуқуқбузар фуқарога нисбатан Ўзбекистон Республикаси Маъмурий жавобгарлик тўғрисидаги кодекснинг 79-моддаси () 1-қисми билан маъмурий баённома расмийлаштирилиб, О. Б. БҲМнинг 50 баравари — 17 млн сўм миқдорида жаримага тортилган.
