19 май куни бўлиб ўтган 37-тур учрашувларидан кейин чемпионлик тақдири расман ҳал бўлди. Микель Артета шогирдлари ўз майдонида “Бёрнли”ни мағлуб этди. Асосий рақобатчи — “Манчестер Сити” эса сафарда “Борнмут” билан 1:1 ҳисобида дуранг ўйнаб, муҳим очколарни йўқотди.
Натижада “Арсенал” очколарини 82 тага етказиб, муддатидан аввал чемпионликни кафолатлади. Пеп Гвардиола бошқараётган “Сити” эса 78 очко билан иккинчи ўринда қолди ва чемпионлик учун курашиш имкониятини йўқотди.
Бу “Арсенал” тарихидаги 14-чемпионлик ҳисобланади. Лондон клуби бундан аввал сўнгги марта 2003/04 йилги мавсумда Англия чемпиони бўлганди.
Шу тариқа “Арсенал” йиллар давом этган кутишларга якун ясаб, яна Англия футболи тахтига қайтди.
