АҚШ Туркияга бермаган Ф-35 жанговар самолётлари авариялар билан кун тартибига чиқишда давом этмоқда. АҚШ армиясининг Ф-35 қирувчи самолёти Албукерке халқаро аеропортида парвоз пайтида ҳалокатга учради. Бу ҳақда "Türkiye Gazetesi" хабар берди.
Самолёт қулагандан кейин ёниб кетган лаҳзалар тасвирга олинаётган вақтда, учувчи эжектор ўриндиғидан фойдаланиб, самолётни тарк этгани маълум қилинган.
Расмийларнинг айтишича, учувчи жиддий жароҳат олган. У ҳушида эканлиги аммо оғир жароҳатлар билан яқин атрофдаги шифохонага етказилгани маълум қилинди.
Авария Ф-35 самолётларининг биринчи ва охирги ҳалокати эмас... 2022 йил 15 декабрда Техасдаги Форт-Уорт ҳарбий-денгиз ҳаво стансияси қўшма захира базасига вертикал қўниш вақтида ҳалокатга учраган.
Ф-35 самолёти 2023 йил 17 сентябрда Жанубий Каролинада далага қулаб тушди. Ерга тушишдан олдин яна 60 миля парвоз қилган Ф-35 самолёти қолдиқлари узоқ вақт қидирилган.
